Arena Basket

Asteburu paregabea izango da, saskibaloiz beterikoa, Navarra Arenan. Hitzorduak Bigarren FEB mailako Castillo de Gorráiz Valle de Egüés taldea bilduko du; Jaén Paraíso Interior CBren aurka ariko da, mailari eusteko lehian erabakigarria izan daitekeen neurketa batean.

Jardunaldia Bigarren Mailako Emakumezkoen (igoera multzoa) derbiarekin osatuko da: ALZMotors Mutilbasket eta Hostal Lola Gazte Berriak izango dira aurrez aurre. Horrez gain, behe-mailetako partidak ere jokatuko dira —minibasket eta benjamin kategoriak—, eta horrek ekitaldia saskibaloiaren benetako festa bihurtuko du.

Egitaraua martxoaren 6an hasiko da, 17:00etatik 20:00etara Minibasketeko 3x3 Txapelketarekin, eta larunbatean jarraituko du egun osoan zehar. Goiza Nafarroako Kirol Jokoetako Benjamin Txapelketarekin hasiko da; 3x3 eta 5x5 modalitateetako partidak jokatuko dira 9:00etatik 13:00etara.

Arratsaldean, 17:00etatik aurrera, Bigarren Mailako Emakumezkoen A-1 ligako 6. jardunaldiko partida jokatuko da: ALZMotors Mutilbasket vs Hostal Lola Gazte Berriak. Amaitzeko, Bigarren FEB mailako 20. jardunaldiko neurketa izango da: Castillo de Gorráiz Valle de Egüés vs Jaén Paraíso Interior.

Gainera, asteburuak berriro ere izaera solidario nabarmena izango du; oraingo honetan, «Canastas contra el cáncer infantil» kanpaina babestuko da, larunbat arratsaldeko bi partida ofizialen emaitzekin lotuta.

‘Arena Basket’ ekitaldia Nafarroako Saskibaloi Federazioak, C.B. Valle de Egüés-ek eta C.D. Mutilbasket-ek antolatu dute, Nafarroako Gobernuaren, Iruñeko Udalaren eta Nafarroako Rural Kutxaren laguntzarekin.